Wanpla ten wan (11) Ni-Vanuatu meri wokas long Horticulture industri nau i bringim wanpla sexual harasman keis igo long kot long South Australia long stretim wari blong ol.
Vanuatu Daily Post i ripot olsem United Workers Union (UWU) hia long Australia i wok long helpim ol despla meri wantem kot keis blong ol we bai stat long namba 8 long despla mun.
Ol despla meri i isave wok long wanpla kampani we isave growim ol tomato na oli sutim tok long ol man wanwok blong ol long mekim ol pasin nogut agensim ol long wok ples.
Australia igat ol strongpla loa we i karamapim Sexual Discrimination em ol man oa ol meri isave mekim agensim ol narapla pipal.
Ol despla Ni-Vanuatu meri isave wok wantem Pacific Australia Labour Mobility (PALM) scheme.
Ephraim Kalsakau, Sekreteri blong Southern Branch blong Vanuatu National workers Union itokim Caroline Tiriman olsem emi hamamas tumas long ol Union blong Australia i helpim ol Ni-Vanuatu meri long despla bikpla wari.