Mangrove or Maquru hem wanfala important plant long samfala coastal community long Solomon Islands.
Diswan hem tru trumas long Langa Langa Lagoon eria blong Malaita Provins wea frut blong disfala Koa olketa kolem hem wanfala staple kakai, olketa save iusim maquru fo mekem haos and plant ia hem save propektem aelan from strong wind and raf sea, and hem impotant ples fo oketa smol fish save shelter long hem.
Bat bikos long presa blong populesen inkris, nid fo moa risosis an sea level hem go ap from climate change, tufala kasin barata blong Langa Langa tufala lukim nid fo protektem disfala risos and helpem olketa komiuniti blong Langa Langa.
So dastawae Wale Tobata and Stephen Suti Agalo tufala statim disfala Batairalo Conservation and Natural Solutions Trust fo helpem olketa komiuniti long Langa Langa fo growm baek mangrove forest, and fo farmim seaweed long lagoon eria.