Niufala politikol party long Solomon Islands, Umi For Change or U4C olketa kolem, hem no politikol party blong Malaita seleva nomoa bat hem party blong nation wea laek fo mekem changes and dil wetem important issues blong kantri.
Secretary blong U4C Party, Celsus Talifilu hem talem aot toktok blong Party President, foma Malaita Premier long lons blong Party Manifesto long Auki long Wednesday wea hem bin se se, hem no garem eni menson blong Malaita long preamble blong U4C party.
Mr Talifilu hem se U4C hem nasinol forum wea hem laek lukim moa accountability insaet long gavman...an fo mekem changes long law so dat olketa Cabinet minista no garem immunity sapos olketa duim samting maliscious or olketa minim fo spoelem pipol.
Long audio bae iu herem Mr Talifilu herm stori kam moa abaot wanem disfala niu U4C party hem stand fo hem long disfala 2024 general elections long April.