Wari hem gohet distaem long kaen we olketa no meklem eni disisin iet fo extendim contract blong olketa staff wea waka long Solomon islands National Institute of Sports wea olketa save kolem tu long SINIS.
SINIS hem bin talem aot finis bihaen saksesful hosting blong Pacific Games long Honiara long last Novemba se, institute hem bae go insaet long wanfala transision or lmuv go long nara stage moa.
Long 19th November 2021 Solomon Islands hem mekem history lo commissioning and handing over ceremony blong first ever National Institute blong Sports blong kantri.
Disfala high performance center ia hem bikfala infrastructure and investment lo sports insaet long kandere since independence, and onli other kaen high performance program olsem long Pacific, hem long Papua New Guinea.
Long 2021, 30 fala lo staff nao ibin go waka long facility ia for startim programs for athletes and coaches.
Long audio bae iu save herem moa long disfala stori wetem Jimmy Luitolo hemi Coach developer lo SINIS and power lifter and Bronze Klensman Fugui.