Plande pipol long rurul eria long Malaita provins olketa faedem hard stret fo go long Auki town or go long Honiara fo salem market produce or duim bisnis.
Diswan hem bikos plande long olketa rot long north an long south saet blong Malaita ailan olketa i bakarap stret and no ivin olketa big 3-ton market truck olketa save ran long hem.
President blong Malaita Provincial Youth Council, Philip Subu hem se olketa pipol wea laek go long Auki olketa mas lusim rot and baen pasis moa long boat...and baen nara pasis moa sapos olketa laek go akros long Honiara.
Hem se disfala problem blong rot transport hem mekem hard tumas fo plande pipol long provins, an hem laekem fo olketa atoriti fo duim samfala samting kwiktaem fo fixim olketa rot ia.
Credits
In this episode