Bikpla mak blong ol wave blong solwara i kirapim sampla bikpla wari na bagarap long ol haus, matmat na ol kaikai garden insait long New Ireland Provins long aste.
Displa weda i kamap behain long ol strongpla win we i bin kamaut long Nesenal Disaster Opis long wik igo pinis, tasol sampla ples lain i no bin kisim displa toksave o i no ting olsem bai i wanpla bikpla mak blong win we bai i kirapim kain wave klostu na namel long ol island blong ol.
Wanpla long displa ol island we i kisim bagarap em Tabar Island, we i stap aninit long Sentral Niu Ailan Local Government, na i bagarapim tu ol narapla ol liklik ples aninit long displa LLG.
Ol narapla ples olsem Banesa, Metlik na Morai ples i lukim bikpla senis blong weda na wankain hevi, na oli nau wok long traim na rereim ol long ol dei i kam na tu, traim long mekim wok stretim behainim displa ol bikpla wave na tait wara.
Bikpla tok lukaut i nau go aut long olgeta ol papa blong boat long noken go aut long solwara long displa taim.
Belinda Kora ibin toktok wantem Lamiller Pawut, husait em wanpla long ol islander we i kisim taim na tu pastem Provincial Administrator blong New Ireland.
Credits
In this episode