Caretaker praem minista blong Solomon Islands, Manasseh Sogavare hem se politikol stabiliti nao hem risin wae Coalition Gavman blong hem hem bin stap namem kantri long kolsap 5 fala yia, and olketa duim plande developmemnt long kantri insaet long disfala taem.
Mr Sogavare hemn se narafala big samting wea Democratic Coalition Government for Advancement gavman blongem ibin mekem hem long saet long Geo-politiks blong kantri wea hem lukim plande developmen ikamap bihaen kantri hem lusim Taiwan and luksave long China.
Hem mekem disfala toktok long wanfala exclussive interview wantaim Georgina Kekea blong Tavuli News long Pangoe long East Choiserul Constituency blong hem, bihaem olketa mekem hem olsem bigfala chief afta hem stap olsem Memba blong olketa long Palamen fo 27 yia.
Mr Sogavare hem se tu olsem melwan long olketa bigfala salens blong Gavman blong hem, hem disfala issue blong China an Taiwan, Covid-19 pandemic, an disfala 2021 riot long Honiara.
Long audio bae iu herem lelebet long stori blong Gina Kekea blong Tavuli News wetem Mr Sogavare.